Le combatto perdite del soldatos de Napoleon contra le pediculos

Sciences et Avenir
04/01/06

Traducite per Jairo Feris





















Circa de un tertio del soldatos del Grande Armea de Napoleon que habeva combattite in Russie, ha essite victima de infectiones e de febre transmittite per le pediculos, secun nove analyses realizate per un equipa franco-lituano super le ossos de soldatos trovate in Lituania. Illo que restava del armea de Napoleon, vincite in retiro a Vilnius, in decembre 1812. il es in iste loco ubi un fossa commun esseva exhumate in 2001. Le scientistas ha potite confirmar que le typho, le febre del trencheas e le febre del pediculos habeva devastate le armea.

Analysante monstras de terra, de texitos e de dentes del ossatura, le scientistas ha trovate tracias de 3 pathogenos transmittite al homine per le pediculos : Borrelia recurrentis responsabile del febre recurrente de pediculos, Bartonella quintana responsabile del febre del trancheas e Rickettsia prowazekii, agente del typho.

Al interior del dentes le scientistas ha recuperate restos del pulpa dental, que permitte saper super illo que ha viagiate in le sanguine de un individuo. Le fragmentos de ADN de Bartonella quintana ha essite trovate in 7 soldatos e de Rickettsia prowazekii in 3 soldatos.


Napoleon interprendeva un campania contra Russia in le estive de 1812 con 500.000 soldatos.
Nonobstante, sol alicunos milles attingeva sortir con vita trans superviver al frigido, le guerra e le maladias.

Assi, circa de 25.000 soldatos se retirava esse hiberno a Vilnius, sed sol 3.000 superviveva pro pervenir de retorno a Francia. Le mortes esseva interrate in fossas commun.