Thursday, February 16, 2006

Vita in Marte !

Per Jairo Feris D.


Ja existe terricolas in Marte.

De facto in le planeta Rubie nos jam pote parlar de prime colono terren.

Iste nove martian superpassa jam le millardo et illos es criaturas excepcional.


Illos pote tolerar sin nemo problema un longue viage interplanetari, de plus del inhospital condiciones martian como es:

· Le radiaciones UV de amplie spectro
· Le manca de aqua superficial
· Le frigido tempore martian (-60°C in media)
· Le pression atmospheric 100 vices minor que le terrestre
· Le absentia de O2

Assi istes microorganismos (Bacterias) ha venite del Terra et illos era vehiculate in le sondas spatial et alteres apparatos de exploration spatial.

Nunc istes seres es le nove problema et interrogation del conquesta spatial que le homine realisa, principalmente ora in Marte.

Nam de un parte illo pote expone le problema de differentiar si es le caso,
un forma de vita native de un altere estranie.

E de altere parte lassa le problema de pensar que evolution pote sequer istes formas de vita, i.e. que cosa va a devenir istos seres in un milieu differente a ille de su origine.

Sed le problema non fini la, ille se aggrava, quando il ha considera que non solo ha essite Marte le unic objectivo de exploration spatial al qual le homine ha inviate sondas de exploration.

Lo precedente suscita le possibile contamination de alteres planetas e satellites de nostre systema solar.

Assi ben que istos microbios sembla insignificate, istos seres microscopic ja habe un avantage sur le homine in le cursa pro le conquesta spatial.

Le possibilitates de retornar al luna e colonisar Marte

Per Harleigh Kyson
imagine NASA

Trenta quatro annos post le ultime astronauta delprogramma Apollo statounitese retornava a nostre planeta, plure nationes nunc planifica viages lunar.

Le Union Europee in iste momento es le sol organisationque ha un sonda spatial orbitante le luna; ma in 2007 (duo mille septe), India, in cuje programma spatial travalia20.000 (vinte mille) personas, planifica inviarillac un nove sonda spacial. Japon anque planificainviar al luna un robot que pote explorar su superficiecomo le duo sondas del NASA que etiam nunc explora Marte.

Le Statos Unite vole inviar al luna un nove gruppode astronautas in 2018 (duo mille dece octo), e China planifica inviar illac un gruppo de taikonautasin 2017 (duo mille dece septe).
Post le projecto Apollo, nostre congresso reducevale budget de NASA, que nunc se dedica principalmente al station spatial orbitante le terra e a su sondasrobotic al altere planetas e satellites del systemasolar.

Cata pais que vole augmentar su programmas de conquerirle spatio ha su proprie rationes pro vader al luna,sia orgolio national, sia avantages commercial, siarationes strategic politicomilitar. Nove colonias sur le luna tamen pote servir comole base de viages spatial ulterior.

Altere possibile projectos es gigantic telescopios que pote detegerluce ex partes del universo solmente unes paucmilliones de annos post su creation. Projectos industrial es anque possibile, como le constructionde centrales gigante pro producer electricitate ex radition solar e converter lo a microundas protransmission al terra. Ma pro omne tal projectos il ha barrieras technologic.

Un barriera es le provision de oxygeno al colonistaslunar. Un ingeniero american, Larry Clark, nuncessaya construer un laboratorio robotic que potereaextrahar oxygeno ex le grande depositos lunar delimenita, ric in le oxido de titanio, ex le qual Clark essaya extraher le componente de oxygeno.Il ha quatro possibile manieras de facer isto, secundo Clark.
Ma omne illos ha besonio de multe calor. Clark tamen crede que unes parve centimetros deiste material extrahite del superficie de un areadel luna inter 1.000 (mille) e 2.000 (duo mille)metros quadrate poterea provider a un parve baselunar assatis oxygeno pro le periodo de un anno. (Il anque es possibile que crateres sur le lunaque recipe un minimo de radiation solar contineaqua, que facilitarea grandemente le productionde oxygeno lunar.) Ben que NASA ha un budget assatis grande pro construerun nove nave spatial que poterea inviar sex astronautasal luna in 2018 (duo mille dece octo), permittenteles remanar sex o septe dies illac ante retornar,multe personas critica le programma.

Como le satellite artificial que nunc orbita leterra, dice Louis Friedman, del Societate Planetaristatounitese, un tal programma sur le luna forsanessera un projecto de pauc utilitate que nonjustificara le ressources dedicate a illo.

Alicunos vole transportar minerales lunar al terra,ma un grande problema essera le energia necesse protransportar le ressources mineral ex le luna alterra de un maniera secur que non causarea damnoal ambiente terrestre--un projecto que forsan esseraimpossibile a disvellopar economicamente. (Un simplecollision contra nostre planeta de un montania de ferrodel luna o de un asteroide esserea un serie desastroecologic simile al collision contra le terra delplanetesimal que causava le extinction del dinosaurios.) Ma NASA crede que bases lunar, a causa del reducitegravitate lunar--17% (dece [e] septe procento) illodel terra--poterea esser utile in le colonisationeventual de Marte proque on poterea lancear un navespatial ex le luna con un provision de combustibilemulto minus grande.

Louis Friedman, como multe altere planetologos,trov a interessante le possibilitate de colonisarMarte in despecto del problemas de crear in illeplaneta un nove systema ecologic que permittereaque le humanitate superviveva illac. Ha emergite planos pro terraformar le planeta Marte, modificante su atmosphera pro altiar le temperaturamedie del planeta e generar oxygeno pro su atmospheraper le designo microbiologic de nove plantas quepoterea superviver in un tal ambiente hostil. Tal projectos tamen costarea billiones de dollars, eforsan 500 annos esserea necesse ante que nos poterea colonisar le planeta.

Il es possibile que in Marte habita organismosunicellular unes parve centimetros o metros suble superficie del planeta. E su terra formation probabilemente significarea le extinction de isteorganismos. E si illos es extincte quando nos arrivara al planeta, nos non potera studiar los pro determinar,inter alia, su illos ha le mesme mechanismo de ADN que le vita terrestre o forsan un altere mechnismoplus complicate o un systema binari plus simple. Buzz Aldrin, un del 12 (dece duo) astronautas american qui ha habite contacto directe con le superficiedel luna, appoia un retorno al luna. Ma ille adde emphaticamente que establir illac colonias permanente essera multo plus diffcile que restar illac proun breve periodo de dies terrestre.

Monday, February 06, 2006

Nove vaccina contra H5N1

per Harleigh Kyson


Un equipa de recercatores in Pennsylvania ha produciteun vaccina contra le virus H5N1, que causa le influenzaavian, usante technicas pro manipular su ADN e insererlo in un virus que causa le rheuma human.

Le production de vaccinas conventional require menses de travalio e grande numeros de ovos de pullosfertilisate. Ma le capacitate pro producer un novevaccina tan rapidemente, secundo le doctor Andrea Gambotto del Central Medic del Universitate dePittsburgh, possibilemente poterea provider un armapotente contra un epidemia mundial de influenza. On ha administrate iste nove vaccina a pullos, einjectiones de illo ha un efficacia de 100% (cento pro cento).

Gambotto es confidente que iste vaccina anque essera efficace pro uso human proque su vectores un virus human, le adenovirus. Usante information sur le sequentia de ADN de H5N1, le recercatores produceva in lor laboratorio le gen pro un proteina, hemagglutinine, que permittele adhesion e le penetration del virus del influenzaavian a nove celulas que illo infecta. Mures que recipeva injectiones del nove vaccina recipeva protection complete contra le influenza del aves, e altere mures que recipeva injectiones de H5N1 moriva post un breve periodo de infection. Studios del mures revela que le vaccina produceva duo typos de immunitate. Primo il preveniva le penetration de H5N1 a in celulas sin infection, et il anque produceva altere celulas que occideva H5N1. Secundo le microbiologo Simon Barratt-Boyes del Schola de Sanitate Public del Universitate de Pittsburgh, isto suggere que mesmo si H5N1 muta a un forma que permitte su transmission inter humanos, iste nove vaccina potera prevenir nove infectiones. E mesmo si iste nove vaccina non es efficace contra un virus mutate, le technicas usate in su construction probabilemente permittera le production assatis rapide de un nove vaccina efficace contra un virus novemente mutate.